السلام
جايبه موضوع عن
<BLOCKQUOTE>نصائح لوقاية البشرة
</BLOCKQUOTE>
<BLOCKQUOTE>طبعا أنتى عارفة إن انخفاض نسبة الرطوبة في فصل الشتاء يؤدي إلى زيادة جفاف البشرة سواء بشرة الجسم أو الوجه وبالتالي حدوث مشاكل كتير زي مثلا ظهور قشور بيضاء في بعض أجزاء الجسم أو إنك تحسي إن بشرتك لونها باهت وغير حيوي بالإضافة إلى تعرض البشرة للجفاف وظهور التشقق في بعض أجزاء منها زي اليدين والوجه والرجلين..
علشان كده هقول لك دلوقت على شوية نصائح هتساعدك على العناية ببشرتك في فصل الشتاء...
يلا نشوف النصائح دي مع بعض..
</BLOCKQUOTE>
<BLOCKQUOTE>النصيحة الأولى
بلاش صابون
</BLOCKQUOTE>
<BLOCKQUOTE>شوفي يا قمر النصيحة الأولى اللي لازم تاخدي بالك منها هي إنك تبعدي نهائيا عن استخدام الصابون ومش قصدي هنا إنك تبعدي عن كل أنواع الصابون لا قصدي إنك تبعدي عن الصابون اللي بيحتوي على روائح معطرة لأنه بيساعد على زيادة جفاف الجسم..
علشان كده عايزاكى طووول الشتاء تستخدمي صابون الأطفال لأن ده بيكون فيه مواد مغذية وملطفة للجسم وبتعوض الجسم عن الجفاف اللي ممكن يتعرض له نتيجة عوامل الجو.
</BLOCKQUOTE>
<BLOCKQUOTE>النصيحة التانية
لا للمياه الساخنة</BLOCKQUOTE>
<BLOCKQUOTE>
طبعا اللي هتشوف كلمة "لا للمياه الساخنة" دي هتقول إيه ده معقول حد يقدر يعيش من غير ما يستخدم الماء الساخن
شوفي يا قمر في حقيقة كتير مننا مش عارفها وهي إن الماء الساخن مضرة جدا للجسم وهي اللي بتساعد على جفاف الجلد وبالتالي بتساعد على تشققه علشان كده ياريت تستخدمي في الشتاء مياه فاترة.
</BLOCKQUOTE>
<BLOCKQUOTE>النصيحة الثالثة
نشفي بشرتك بفوطة ناعمة</BLOCKQUOTE>
<BLOCKQUOTE>أكيد كلنا بنتعرض للميه كل شوية يعني علشان الوضوء أو غسل الأيدي مثلا، وعلشان كده عايزاك تبقي ذكية وكل ما تعرضي بشرتك للميه تنشفيها بالراحة بفوطة ناعمة وبأكد كلامي فوطة ناعمة، واوعي تسيبيها من غير ما تنشفيها لأن ده هيزود جفافها ويعرضها للتقشف.
وفيه حاجة كمان حلوة ممكن تعمليها وهي إنك تدلكي إيدك ووشك بأي كريم مرطب بعد ما تغسليهم، وكمان عايزاك تاخدي بالك من حاجة مهمة قوووي وهي إنك ماتغسليش وشك أو تستحمي مثلا وتخرجي في الهواء البارد على طول، لا اقعدي في البيت لمدة ساعتين وبعد كده اخرجي.
</BLOCKQUOTE>
<BLOCKQUOTE>النصيحة الرابعة
ماتكتريش من الماكياج
</BLOCKQUOTE>
<BLOCKQUOTE>دي نصيحة مهمة قوي لازم تاخدي بالك منها في الشتاء وهي إنك ماتكتريش من وضع الماكياج خاصة "كريم الأساس والبودرة" علشان ما تظهرش حبوب أو بثور سوداء في بشرتك وده لأن مسام الجسم بتتنفس بصعوبة شديدة في الشتاء..
</BLOCKQUOTE>
<BLOCKQUOTE>النصحية الخامسة
اشربي سوائل على قد ما تقدري
</BLOCKQUOTE>
<BLOCKQUOTE>كتير مننا بيقلل من شرب السوائل في الشتاء بالرغم من إن السوائل دي مفيدة جدا للجسم وده لأنها بتساعد على ترطيب الجسم من الداخل إلى الخارج علشان كده ياريت تكتري من شرب السوائل زي الماء والعصائر الطازجة طبعا والفواكه اللي فيها فيتامينات زي "البرتقال واليوسفي"، لأن كل الحاجات دي هتغذي البشرة وهتبعد عنها الجفاف.</BLOCKQUOTE>
مشاكل البشره فى فصل الشتاء وعلاجها"
<BLOCKQUOTE>نشوف مع بعض المشاكل التى ممكن ان تواجهك فى الشتاء وكيفيه حلها
</BLOCKQUOTE>
<BLOCKQUOTE>المشكله الاولى
هى جفاف جلد الجسم </BLOCKQUOTE>
<BLOCKQUOTE>أكيد كلنا في الشتاء بعد ما بناخد دش بنحس إن جلدنا بقى جاف قوي ومش بيلمع..
والحل يا ستي إنك تدلكي جسمك قبل الاستحمام بربع ساعة بزيت زيتون وبعد كده خدي الدش بتاعك عادي بس ياريت بعد ما تخلصي الاستحمام بالماء الفاترة تاخدي دش تاني بماء باردة وبعد ما تخلصي الدش نشفي جسمك بفوطة ناعمة وبعد كده ابدأي في وضع كريمات مرطبة على جسمك وهتشوفي الفرق بنفسك.
_________________
</BLOCKQUOTE>
<BLOCKQUOTE>المشكلة التانية
جفاف جلد الوجه
</BLOCKQUOTE>
<BLOCKQUOTE>
برضه أكيد ساعات بتلاقي
تحياتي لسعه شقاوهـــ</BLOCKQUOTE>
